Switch to Dual Emblem Display

Page icon  Link to an image of this page  [r2r p259]
Privilege du Roy.

HEnry par la grace de Dieu Roy
de France, au Prevost de
Paris, Baillif d’Orleans, Rouen, Sens,
Troye, Forestz, Mascon, Viennois, &
des montaignes du Dauphiné, Senes-
chaux de Lion, Tholose, Valentinois,
Prouvence, Forcalquier, & terres adjacentes, & à tous
noz autres Justiciers & Officiers, leurs Lieutenans,
& à chacun d’eux salut & dileccion. Nostre bien amé
Jean de Tournes, marchand Libraire & Imprimeur de
nostre vile de Lion, nous ha fait entendre que continuant
le desir & affeccion, qu’il ha de faire proufit à la Re-
publique il auroit recouvert les copies de plusieurs livres,
& entre autres
, Les Metamorphoses d’Ovide fi-
gurees, avec l’exposition des figures par hui-
tains. Un autre intitulé, Les Devises Heroïques,
avec leur declaration. Plus, L’Astronomie descri-
te par maitre Jaques Bassentin, Escossois. Un au-
tre en Italien intitulé
, Due brevi è facili trattati, il
primo d’Arithmetica, l’altro di Geometria del
Sig. Gio. Francesco Peverone di Cuneo. Un au-
tre intitulé
, Epitome operis perquam vtilis mor-
bis curandis. Lesquelz livres il imprimeroit volon-
Page icon  Link to an image of this page  [r2v p260] tiers, & pour autant qu’il est necessaire y faire plusieurs
fraiz, il creint que les autres Imprimeurs le vousissent
frustrer de son labeur, les faisant pareillement imprimer
vendre & distribuer, nous requerant sur ce lui pour-
voir. Nous à ces causes de nostre grace especial & au-
torité Royal avons permis & permettons audit Jean de
de Tournes de pouvoir imprimer, ou faire imprimer les
livres cy dessus specifiez en tel volume que bon lui
semblera. Et ce durant le terme de dix ans suivans &
consecutifs, à commencer du jour & date de la premie-
re impression de chacun desdits livres. Et à fin que le
suppliant ne soit frustré de sesdits fraiz. Nous avons in-
hibé & defendu, inhibons & defendons à tous Librai-
res & Imprimeurs de ne durant ledit temps & terme
imprimer, ou faire imprimer vendre, ou distribuer au-
cun desdits livres en quelque forme que ce soit, sans le
vouloir & consentement dudit suppliant. Et ce sur pei-
ne de confiscation desdits livres & d’amende arbitrai-
re. Si vous mandons & tresexpressement enjoingnons
par ces presentes à un chacun de vous endroit soy & si
comme lui appartiendra, que de noz presens, licence, et
privilege, & de tout le contenu en cesdites presentes
vous faictes jouir & user le suppliant plainement &
paisiblement durant ledit temps, à commencer comme
dessus. Cessans & faisans cesser tous troubles & em-
peschemens au contraire. Voulons en outre qu’en met-
Page icon  Link to an image of this page  [r3r p261] tant par brief le contenu de ces presentes au commen-
cement, ou à la fin de chacun desdits livres, que cela soit
de tel effet, force & vertu, que si elles estoient en leur
original signifiees à chacun des Libraires, Imprimeurs,
& contrevenans à cesdites presentes. Au vidimus des-
quelles fait sous seel Royalle ou seing de l’un de noz amez
& feaux Notaires & Secretaires. Nous voulons foy
estre adjoustee comme au present original. Mandons &
commandons à tous noz Justiciers, Officiers & sub-
jetz. qu’a vous ce faisant soit obey. Donne à saint Ger-
main en Laye, le vintgtcinquieme jour du mois de Jan-
vier, l’an de grace mil cinq cens cinquante six. Et de no-
stre regne le dixieme.

Par le Roy, vous present.

De Vabres

Page icon  Link to an image of this page  [r3v p262]

Printer's mark of De Tournes
[Click on image to enlarge]


Hint: You can turn translations and name underlining on or off using the preferences page.

 

Back to top