Switch to Dual Emblem Display

Page icon  Link to an image of this page  [A1r p1]
LE PREMIER
LIVRE DES
EMBLEMES.
Composé par Guillaume Gueroult.

Printer's mark of Arnoullet
[Click on image to enlarge]

A LYON,
Chez Balthazar Arnoullet.
M. D. XXXXX. Page icon  Link to an image of this page  [A1v p2] Page icon  Link to an image of this page  [A2r p3]
A TRESILLUSTRE
Magnifique, & puissant seigneur, Mon
seigneur le Comte de Gruyere, Cheva-
lier de l’ordre du Roy, & Gentilhom-
me de sa chambre, Baron d’Aubonne,
de la Bastye, de Monservin, Seigneur
de Gessenay, de Chasteau doux, de
Rougemont, &c. Gu. Gueroult. Salut.

LEs Persiens par coustume louable
Devant le siege & throsne venerable
Ou sied leur Roy n’osent venir presens:
Sans luy offrir honorables presents.
Non que le Roy (riche Dieu sait combien)
Aucunement ait besoing de leur bien,
Ou que des dons l’excellence & le prix
D’un tel Seigneur meritent estre pris:
Car il recoit d’affection si bonne
Le petit don de la basse personne
Comme des grans la riche oblation.
Mais le seul but ou tend l’intention
Et du Seigneur & des subgetz aussi
C’est qu’il congnoist, & recoit par cecy
L’hommage deu à sa haute puissance:
Page icon  Link to an image of this page  [A2v p4] Et monstrent eux, leur grande obeissance.
Certainement (Prince tresrenommé)
Il ma semblé que point desestimé
Je ne serois: si (esmeu de bon zelle)
Suivre voulois ceste coustume belle.
Car la coustume ou vertu est congnue,
De tous humains doit estre entretenue.
Pour ce cuydant plaire à vostre hautesse
Jay bien osé prendre la hardiesse
De luy offrir present: pour tesmoignage
Que je luy doy foy amour & hommage.
Non bien sachant si ma temerité
D’estre blasmee auroit point merité,
Pour la raison que le don du donneur
N’ha merité de vostre excellence: heur
D’estre de vous begninement receu:
Veu le bas lieu duquel il est yssu.
Puis de penser apporter ornement
A voz vertus: je ferois follement.
Car leur subject & hautesse & pouvoir
A surmonté ma plume & son savoir,
Aussi plustost qu’icelles decorer:
Je les devrois (me taisant) admirer.
Et toutesfois je me tien tout seur
Que ceste grande & louable douceur
Page icon  Link to an image of this page  [A3r p5] Dont vostre coeur heroique est orné,
Fait que jamais vous n’estes d’estourné
De recevoir avecques bon visage:
L’oblation d’un petit personnage.
Doncq je supply vostre grand excellence
(Prince sorty d’heroique semence)
Qu’en gré soit pris receu, & accepté:
Ce petit don qui vous est presenté.
Petit il est, mais il ha bien puissance
De vous donner quelque resjouyssance
Quand vostre esprit de tout soucy delivre:
Lire voudra quelque embleme en ce livre.
Car sont [=son] but est d’enseigner la vertu
Dont vostre coeur heroique est vestu,
Et d’estranger de soy totallement:
Peché: qui met corps & ame en tourment.
En le prenant (prince tresfortuné)
Je beniray celuy qui ma donné,
Heur si tresgrand, que ma veine tant basse
Trouver ayt peu devant vos clers yeux grace,
Pour amplement tesmongner le desir
Que j’ay tousjours à vous faire plaisir:
Et que ce corps tant que vivant sera,
De vous servir point ne se lassera.


Hint: You can turn translations and name underlining on or off using the preferences page.

 

Back to top