Switch to Dual Emblem Display

Link to an image of this page  Link to an image of this page  [A4v]

Parler peu & venir au poinct.

Celluy qui le mieulx tirera
Droict au but & plus pres du blanc,
Son coup sera estimé franc
Et la louenge en recepvra.

Link to an image of this page  Link to an image of this page  [B1r]

VOus qui entre les gens parlez
Et tenez propos & languaige
En conseil estans appellez
Monstrez contenance de saige,
De trop parler n’ayez l’usaige,
Car de plaisir on n’y prend poinct,
Evitez redicte & remplaige,
Et venez droictement au poinct.

★ Vous qui playdez es justes cours,
Ne vueillez trop longs plaidz tenir
Soyez en voz causes plus courtz,
Et venez ou il fault venir:
Sermonneurs ayez souvenir
De conclure à la verité,
Brief pour beau parler maintenir,
Evitez la prolixité.

★ De tous les coups que l’archer tyre,
Celluy du but donne le pris,
Il n’a faict coup qui ne soit pire,
Comme perdu mis en despris,
Celluy qui a doncq entrepris,
De parler sans confusion,
Ainsi qu’ung homme bien appris,
Face briefve conclusion.

Notes:

1.  Cf. Plutarch, Moralia, 510E (as used by Erasmus in Parabolae).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top