Switch to Dual Emblem Display

Link to an image of this page  Link to an image of this page  [C1v p2]

I.

EDUCATIO PRIMA BONA SIT.

DEUS optimus maximus conditor & conservator mundi
huius, hominem creavit ad imaginem sui, ut ab eo cogno-
sceretur & coleretur. At is per peccatum lapsus, à prima, in
qua conditus erat, gratia excidit: illiusque ruina magna Dei
misericordia per Iesum Christum generis humani servatorem
restaurata est. Nascimur servi peccati, & per Baptismum, vera
& viva fide Christum amplexantes, libertati asserimur. Necesse
est igitur à primis cunabulis parvulorum ingenia formare, ut
statim edoceantur quales sint. Educatio est secunda natura.
Quamvis inveniantur plurimi, qui parvo cum profectu insti-
tuantur à praeceptoribus alioquin idoneis, tam depravata est
in nobis ratio. Adamas & gemmae meliores poliuntur, pu-
mex & tophus nulla arte vindicantur à sua ruditate & asperi-
tate. Prima tamen pueri institutio multum ponderis & mo-
menti habet in se. Fieri enim non potest, ut non afficiatur vo-
ce docentis. Quód si profectus non respondet diligentiae ma-
gistri, verisimile est, sine doctrina illum duplo deteriorem fu-
turum. Dum igitur pueritia institutionem potest admittere,
nulli parcere labori debent parentes, nullis sumptibus, ut eo-
rum liberi doctrina sapientum excolantur, & ad studium vir-
tutis adducantur. imitati rusticorum industriam, qui arbores
tenellas regunt, & plicant pro ut expedit. Quo se-
mel est imbuta recens servabit odorem
testa diu.

Link to an image of this page  Link to an image of this page  [C2r p3]

I.

Francisco[1] à Vienna Baroni Clerevantii.[2]

EDUCATIO PRIMA BONA SIT.

May the first education be good

UTile virtuti est annos assuescere primos,
Et tenerum sanctis moribus ingenium.
Frangitur incurvanda arbos: virgulta plicantur:
Testaque, quo imbuta est, fragrat odore diu.

It is useful to habituate early years to virtue and the youthful mind to holy behaviour. The tree which is to be bent is broken; but cuttings are pliable; and the jar is fragrant for a long time with the smell with which it is first moistened.

Notes:

1.  Corrected from the Errata (from ‘Franisco’).

2.  François de Vienne, Baron de Clervant, eldest son of Claude-Antoine de Vienne & Catherine de Heu (to whom this book is dedicated). The Vienne were one of the oldest noble families in France, originating in the Dauphiné (Viennois) and Franche-Comté, with branches extending into Burgundy and Lorraine. The branch of Clervant, in Lorraine, were leaders of the Calvinist community living in semi-exile in the French enclave of Metz, where Boissard was tutor to their sons, François and Gideon, both killed in the French civil wars, in 1583 and 1589, respectively.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top